Rāhina te 29 o Hereturikoka 2011
He mihi ki ngā whanau o te kura, kia ora koutou katoa.
Ko te wiki tuawha tenei o te wahanga tuatoru.
Ngā pānui o te kura (kura notice):
Kaua e wareware ki te titiro ki ngā pāhi a ngā tamariki na te mea ēkene pea he
pānui kei roto. Ka tukuna atu ngā pānui ki te tuakana o te whanau, ka hoatu hoki
pēnā kotahi noaiho te tamaiti o te whanau.
Kakahu kura (uniform):
Ae! He tino ataahua ngā kakahu o te kura ēngari kua timata tonu ngā tamariki
ki te waiho i o rātou kakahu ki runga i te pahi, ki te papatakaro, ki roto i ngā
rūma ako hoki. Ko ētahi o ngā tamariki kei te whakahoki i te kakahu o tētahi atu tamaiti ki te kainga. Me āta titiro koutou ki te ingoa kei tuhia ki runga i te kakahu. Pēnā kaore nō tō tamaiti me whakahoki mai ki te kura. Kia ora!!!
Kaore te tamaiti i te kura (absence):
Pēnā kaore tō tamaiti i haere mai ki te kura na te mea kei te mauiui ia, kua
haere i tētahi tangihanga, he kaupapa ā whanau rānei, kaua e wareware ki te
waea mai ki te kura ki a Whaea Kitty.
Heoi anō he nui te wa kaore ētahi o ngā tamariki e tae mai ana ki te kura, nō
reira ka waea mai te Tahuhu (Ministry) ki te kura pēnā he nui te wa kaore tō
tamaiti i te kura, no reira ka haere atu tetahi tangata (Truancy officer) ki te
kite i ngā matua.
Noho marae
Ka tū he parakitihi kapa haka i te rua ki te wha o Mahuru (2nd – 4th), ka mutu
i te Ratapu (12pm). Ka tuku pānui atu a Whaea Mereana i tenei wiki e pā ana
ki whakarite, ara te rārangi ingoa mō te koha kai.
Whanau hui:
Te ra: Rātu te 6 o Mahuru
Te wa: 5 karaka i te ahiahi (5pm)
Kaupapa: he nui tonu ngā kōrero hei whakatau i ētahi o ngā mahi hei mua
o te whanau. Ko ngā mahi moni ko te tikanga ka tautoko mai ngā whanau
katoa, mai ngā tuakana ki ngā teina. Kia kaha e ngā whanau ki te tautoko i
ngā mahi moni mo te katoa o ngā tamariki.
Kupu hou (Spellathon):
Ka whakamatautautia ngā tamariki mo tenei mahi i te 16 o Mahuru
(16th September), kātahi ka taea e ngā tamariki ki te kohi i ngā moni mo
tana mahi kupu hou ka whakahoki mai ki te kura . Kia kaha tamariki mā
ki te rapu whanau ki te tautoko i tō mahi.
Hoko Kai (Kura lunch):
Ka tū tētahi hoko kai i te Rāmere te 2 o Mahuru (Friday 2 September).
Ko ngā akomanga ka mahi i tenei kaupapa ko Anamaria raua ko Kowhararahi.
Ka tukuna atu e Whaea Mereana he pānui a tenei wiki.
Te rawhara (raffle)
Kia ora ki ngā Matua i tautoko i tenei mahi moni. I toa ko Whaea Purangi,
ko te nama ko te wha tekau (46). He mihi nui i a koutou katoa.
Tini ika me ēra atu kai (tin fish etc)
Kei te hari mai ētahi o ngā tamariki i ngā kai pērā i ngā tini ika, heoi anō i te
nuinga o te wa kei te waiho te taupoki (lid) o te tini i runga i te papa no reira
kua whakakoretia ka rāhui rānei ēnei kai.
No reira noho ora mai koutou katoa nā ngā Kaiako o te kura