Raatu te 9 o Hereturikoka
Tënä koutou ngä matua o ngä tamariki. Ka mihi i ngä whanau i tae mai ki te hui inapo. Anei etahi o ngä kaupapa, kei te pirangi ngä whanau kia whakatautia ngä whakarite, mo te haere ki Whangarei.
Ko te mea tuatahi, ko te tira haere ko te röpu kapa, ngä Kaiako i ngä mahi haka, ngä Mahita me ngä kaitiaki i ngä taonga/kakahu/piupiu hoki.
Tuarua, ki te pätai ki ngä whanau ko wai ka watea ki te haere ki Whangarei i te 7 – 12 o Whiringa ä rangi.
Pënä koe kei te hiahia ki te haere, me tuhi mai ko ingoa ki runga i te pepa (i te mutunga o tenei pänui), ka whakahoki mai ki te kura.
Tuatoru, ki te inoi ki ngä matua o ngä teina o te kura, ara, ngä tamariki o ngä akomanga o Kowhararahi (kaore i roto i te röpu kapa) me Anamaria pënä kei te hiahia koutou ki te haere i te taha o ngä tuakana, ki Whangarei. Engari me aata whakaaro mo tenei kaupapa na te mea e whitu ngä ra e ngaro atu ana.
Ko tetahi take nui me haere tonu he matua/whanau ränei ki te taha o to tamaiti – (kotahi te pakeke ia tamaiti).
Ekene pea he pai tonu kia noho wai ngä teina ki te kura, engari a whiriwhiritia he haerengå a ratou i te wa kei Whangarei ngä tuakana.
Pënä kei te whakaae koe me noho ngå teina ki te kura me tuhi mai to whakautu (i te mutunga o tenei pänui).
He nui tonu ngä körero kei whakaaro ma ia whanau kia tutuki ai a ratou tumanako mo a tatou tamariki. Nö reira kia kaha ngä whanau te tautoko i ngä mahi moni kei mua i o tatou.
I te Rähoroi ka tu tatou ki te mahi moni, ki te whakareri i ngä kai mo te hui a tau o te marae o Whetu-te-rangi. Ka homai he moni ki te kura mo tenei mahi. Pënä koe kei te watea me haere mai ki te awhi, waea mai ki te kura. Ka whakareri i ngä kai mo te hapa i te Rähoroi, parakuihi i te ata o te Rätapu me te tina (he hakari). Ka whakareri hoki i ngä kai mo te hakari i te ahiahi po o te Rähoroi.
Ka tono i ngä whanau mo ngä koha kai mo tenei
kaupapa. Ka hari mai i a koutou koha kai ki te kura i mua o te Rämere.
Ka whakahoki atu ngä tamariki i etahi pänui i tenei ra mo ngä koha kai. No reira titiro ki roto i te paahi a tö tamaiti.
Kakahu hou
Ka titiro tetahi röpu o te whanau ki tetahi kakahu hou o te kapa, ki te rapu moni awhina ränei. Kei te rapu tonu a Whaea Seilena i tetahi wahi noho ki Whangarei. Pënä kei te möhio koe ki tetahi tangata ka noho ki reira tena waea atu ka whakahoki körero mai.
Ngä mahi Kupu hou - 3 wiki te roanga o te mahi. Ka hoki atu he pänui anö mo te kaupapa ako kupu me te tuhi kupu. Ka rapu ngä tamariki i etahi atu tangata ki te tautoko i tenei mahi. He pai tonu ki te titiro i ngä whanau i waho atu o te kura. Kia kaha tamariki ma!!!
Patu Poi
Ka timata ngä mahi patu poi i te taha o ngä kotiro ia Rähina me te Rätu, ia wiki. Ka timata i te 15/8/11 – ki te 4pm – 6pm. Hoatu he kai anö, he poumanu wai ma tö tamaiti. Kaua hoki e wareware ki te tiki mai tö tamaiti.
Mau Räkau
Ka tukuna he pänui i te wiki kei te heke mai. Kaua e wareware ki te whakahoki mai ngä pepa
Kia ora koutou katoa, na matou ngä Kaiako me ngä Kaimahi o te Kura.
1